Best Urdu Poetry Collection: Qateel Shifai

Best Urdu Poetry Collection

find last collection of sad poetry, shayari & urdu ghazal. Read and share the images of urdu shayari or urdu poetry by famous poets.

    • Showing posts with label Qateel Shifai. Show all posts
    Showing posts with label Qateel Shifai. Show all posts

    Thursday, September 12, 2019

    Tere mehndi lage hathon pe mera naam...

    September 12, 2019 0
    Tere mehndi lage hathon pe mera naam...
    Tere mehndi lage hathon pe mera naam likha hai,

    Zara se lafzz main kitna paighaam likha hai,

    Yeh teri shaan ke shayaa’n nahin lekin majboori,

    Teri masti bhari ankhon ko mene jaam likha hai,

    Main shayar hoon, magar agey na barh paya riwayat se,

    Labon ko pankhrri*, zulfon ko mene shaam likha hai,

    Mujhe maut aaye gi jab bhi tere pehluu main ayegi,

    Tere gham ne bohat acha mera anjaam likha hai,

    Meri qismat mein hai ik din griftaar-e-wafaa hona,

    Mere chehre pe tere pyaar ka ilzaam likha hai,

    Qateel ik khubsurat buut* hai, main jis ka pujaari* hoon,

    Mere mazhab ke khaaney mein magar Islam likha hai..

    (pankhrri;petal)(buut;idol)(pujaari;worshiper)
    No comments:
    Tags ,

    Lamha Bhar Apna Hawaon Ko...

    September 12, 2019 0
    Lamha Bhar Apna Hawaon Ko...
    Lamha Bhar Apna Hawaon Ko Bananay Waalay

    Ab Na Aayein Ge Palat Kar Kubhi Jaanay Waalay

    Kia Milay Ga Tujhe Bikhray Howay Khwaabon Ke Siwa ?

    Ay Rait Pe Chaand Ki Tasveer Banaanay Waalay

    Sab Ne Pehna Tha Baday Shoq Se Kaghaz Ka Libaas

    Jis Qadar Loog Thay Baarish Mein Nahaanay Waalay

    Mar Gaye Hum Tou Ye Qutbay Pe Likha Jaye Ga

    So Gaye Aap Zamaanay Ko Jagaanay Waalay

    Dar-o-Deewaar Pe Hasrat Si Barasti Hai “Qateel”

    Jaanay Kis Dais Gaye Pyaar Nibhaanay Waalay ?
    No comments:
    Tags ,

    Teri khushbuu meri saanson main...

    September 12, 2019 0
    Teri khushbuu meri saanson main...
    Teri khushbuu meri saanson main basaaney aye,
    Dil ki dunya mein baharon ke zamaney aaye,

    Yeh alag baat hai ke tabeer na de sath mera,
    Khawb to jitne bhi aaye woh suhaaney aye,

    Woh hai maghroor magar pyar se majboor bhi,
    Khud hi naraaz kare khud hi mananey aaye,

    Kyon tarss aya hai us ko meri tanhai par,
    Woh mujhe meri nazar se na giraaney aye,

    Woh bataye na mujhe apne bicharne ka sabab,
    Us se keh do woh mera dil na jalaney aye,

    Pyaar kya hota hai ab tak mujhe maloom na tha,
    Chott khayi to mere hosh thikaaney aye,

    Jo mera dil bhi sajaa de mere chehre pe Qateel,
    Woh mussawar* meri tasveer bananey aye..
    No comments:
    Tags , ,

    Siskian Leti Howi Ghamgeen Hawaon...

    September 12, 2019 0
    Siskian Leti Howi Ghamgeen Hawaon...
    Siskian Leti Howi Ghamgeen Hawaon, Chup Raho

    So Rahain Hain Dard, In Ko Mat Jagao, Chup Raho

    Raat Ka Pathar Na Pighlay Ga Shuaaon Ke Bagair

    Subaah Honay Tak Na Bolo Ham Nawao, Chup Raho

    Band Hain Sab Mai Kaday, Saaqi Banay Hain Mohtasib

    Ay Garajti Goonjti Kaali Ghataaon,Chup Raho

    Tum Ko Hai Maaloom Aakhir Kon Sa Mausam Hai Ye

    Fasl-e-Gul Aanay Talak Ay Khushnawao, Chup Raho

    Soch Ki Deewaar Se Lag Kar Hain Gham Baithay Howay

    Dil Mein Bhi Naghma Na Koi Gungunao, Chup Raho

    Chhat Gaye Haalaat Ke Baadal Tou Dekha Jaaye Ga

    Waqt Se Phele Andhairay Mein Na Jao, Chup Raho

    Kiun Shareek-e-Gham Banaatay Ho Kisi Ko Ay Qateel

    Apni Sooli Apne Kaandhay Per Uthaao, Chup Raho
    No comments:
    Tags , ,

    Ho na ho yeh koi sach...

    September 12, 2019 0
    Ho na ho yeh koi sach...
    No comments:
    Tags ,

    Sadmaa to hai mujhe bhi...

    September 12, 2019 0
    Sadmaa to hai mujhe bhi...
    Sadmaa to hai mujhe bhi ke tujhse judaa hoon main,

    Lekin yeh sochta hoon ke ab tera kya hoon main,

    Mein khudkushi ke jurm ka karta hoon aitraaf,

    Apne badan ki kabr mein, kab se garrhaa hoon mein,

    Kis kis ka naam laaon zubaan par ke tere saath ,

    Har roz ek shaks neya dekhta hoon ,

    Kyaa jaane kis adaa se liya tu ne mera naam ,

    Duniyaa samajh rahi hai, ke sab kuch tera hoon main,

    Le mere tajrubon se sabak, aye mere raqeeb,

    Do-chaar saal umar mein, tujhse barra hoon main,

    Jaaga huwa zameer woh aiyeena hai “Qateel”,

    Soney se pehlay roz, jisey dekhta raha hoon main.!
    No comments:
    Tags ,

    Hijr Ki Pehli Shaam Ke Saaye...

    September 12, 2019 0
    Hijr Ki Pehli Shaam Ke Saaye...
    Hijr Ki Pehli Shaam Ke Saaye Door Ufaq Tak Chhaaye Thay

    Ham Jab Os Ke Seher Se Niklay Sab Raastay Saath Laye Thay

    Jaanay Wo Kia Soch Raha Tha Apne Dil Mein Saari Raat

    Pyaar Ki Baatain Kartay Kartay Os Ke Nain Bhar Aaye Thay

    Mere Andar Chali Thi Aandhi Theek Osi Din Pat Jharr Ki

    Jis Din Apne Jorray Mein Os Ne Kuch Phool Sajaaye Thay

    Os Ne Kitnay Pyaar Se Apna Kufar Dia Nazraanay Mein

    Ham Apne Emaan Ka Sodaa Jis Se Karnay Aaye Thay

    Kaisay Jati Mere Badan Se Beetay Lamhon Ki Khushbuu

    Khwaabon Ki Is Basti Mein Kuch Phool Mere Hamsaaye Thay

    Kaisa Pyaara Manzar Tha Jab Dekh Ke Apne Saathi Ko

    Pairr Pe Bethi Ek Chirrya Ne Apne Per Phailaaye Thay

    Rukhsat Ke Din Bheegi Aankhon Os Ka Wo Kehna Haye “Qateel”

    Tum Ko Lout Hee Jana Tha Tou Is Nagri Mein Kiun Aaye Thay.!
    No comments:
    Tags ,

    Yeh mojza bhi muhabbat kabhi dikhaye mujhe..

    September 12, 2019 0
    Yeh mojza bhi muhabbat kabhi dikhaye mujhe..
    Yeh mojza bhi muhabbat kabhi dikhaye mujhe..

    Kay sang tujh pe girain aur zakham aye mujhe..

    Main ghar se teri tamanna jub pehan k niklun..

    Barhana shehr main koe nazar na aye mujhe..

    Wo mera dost hai saray jahan ko hai maloom..

    Dagha karay wo kisi se to sharm aye mujhe..

    Wo mehrbaan hai to iqraar kyu nahi kerta..

    Wo bdguman hai to so bar azmaye mujhe..

    Main apni zaat main neelam horaha hun QATEEL,

    Gham-e-hayaat se keh do k kharid laye mujhe..
    No comments:
    Tags ,